FBDG 6
කජු, රටකජු වැනි ඇට හෝ තල වැනි තෙල් සහිත ඇට වර්ග අහුරක් දිනපතා ආහාරයට ගන්න
සෑම දෙනාගේම ආහාරයේ මද්යස්ථ මේද ප්රමාණයක් තිබීම අවශ්ය වේ.
- කජු, රටකජු, කොට්ටං, වට්ටක්කා ඇට, තල සහ අලිගැට පේර ආහාරයට ගැනීමෙන් දෛනික අසංතෘප්ත මේද අවශ්යතාවය සපුරා ගත හැකිය.
- රටකජු වැනි තෙල් සහිත ඇට වර්ග අහුරක් (ග්රෑම් 30 ක් පමණ) දිනපතා ආහාරයට ගැනීමෙන් හිතකර මේද වර්ගයක් වන ඒක අසංතෘප්ත මේද අම්ල අවශ්ය ප්රමාණය ලබා ගත හැකිය.
- ගා ගත් පොල්, පොල් කිරි සහ තෙල් ශ්රී ලාංකීය ආහාර වේලෙහි බහුලව භාවිතා වන මේද ප්රභව වේ.
- පස් දෙනෙකුගෙන් යුත් සාමාන්ය පවුලකට;
- මධ්යම ප්රමාණයේ පොල් ගෙඩියකින් ලබා ගත් කිරි හෝ,
- මධ්යම ප්රමාණයේ පොල් ගෙඩි බාගයකින් ගාන ලද පොල් සහ,
- දිනකට පොල් තෙල් තේ හැඳි 1-3 දක්වා ප්රමාණයක් භාවිතා කළ හැක.
- දරුවන්ගේ, නව යොවුන් වියේ පසුවන ළමයින්ගේ, ගැබිණි සහ මව්කිරි දෙන මව්වරුන්ගේ ආහාර වේලෙහි අඩංගු ශක්ති ප්රමාණය වැඩි කිරීම සඳහා ආහාරයට පොල් සහ පොල් කිරි එකතු කළ හැක.
- ගා ගත් පොල් වල, පොල් කිරි සහ තෙල්වලට වඩා තන්තු අඩංගු බැවින් පරිභෝජනයට වඩාත් සුදුසුය.
- පොල් තෙල්වල ප්රධාන වශයෙන් සෞඛ්යට අහිතකර සංතෘප්ත මේද අම්ල අඩංගු වුවද ට්රාන්ස් මේදය සෑදීමේ අවදානම අඩුය. එම නිසා ගැඹුරු තෙලේ බැදීම සඳහා පොල් තෙල් වඩාත් සුදුසු වේ.